Serencza (Серенча) - Pid obłaczkom (Під облачком) (2004) [MP3] | Folk

про гурт (лемківською)

Tо бодай перший, фольковий ансамбль в Польщы створений через Лемкiв. Дiє уж од кiнця 1997 рока i в своiй iсториi має понад 50 концертiв. Окрем выступiв на престiжовых сценах, може похвалити ся вырiжнiньом на фольковым фестiвалю „Mikol’ajki Folkowe” в Люблiнi, вельома авдициями радiовыма i телевiзийныма i шыроком популярнiстю серед самих Лемкiв i не лем.
Ансамбль награл 2 плыты, але перша з них – „З гiр i пiд гору”, вказала ся в маленькым накладi. Зрештом має она вартiст колекцйонерску, бо... цiлком ґаражова якiст звуку i аматорскє награня так ся сподабали, же наклад зышол в 2 тыжнi !
Друга плыта – „Яко тако” не мала щестя ся вказати в виданiй формi, бо ансамбль достал пропозицию награти професйональну плыту, в професйональным студiо, што i тiж ся стало. В сiчни 2004 рока в студiо С-5 Радъя Кракiв проходила сесия, котрой ефект мож видiти на недавно выданiй плытi „Пiд облачком”.
Послiднiм часом ансамбль навязал контакт з тарновскым театром iм. Сольского, з котрым творит штуку о Нiкiфорi – „Криницкi останєц”. Цiлу мизычну оправу того проєкту зробил артыстычний кєровник ансамблю Мирослав Боґонь. Вiн написал тiж пiснi до текстiв Генрика Циґанiка.
Вид ансамблю змiнял ся за тоты рокы iсниваня, але остатньо незмiннi грат в 9-особовым складi: Iвона Корбич, Анна Дрейович, Лука Райчак, Яков Дзюбина, Євген Корбич, Лука Дембскiй, Демко Трохановскiй, Мирослав Боґонь (артыстычний кєровник) i Роман Корбич (орґанiзацийний кєровник).
Сама музыка, котру творят, то злiпок вельох преференций вшыткых членiв. Основом є народна, лемкiвска музыка, але „перероблена” на рiжны способы. Видно ту iнспiрациi джaзу, реґґе, класычной музыкы, зрештом колиси в „Ґазетi Кракiвскiй” остали окрислены як „wspania’y zespo’l’ graja’cy muzyke’ afro-hinduska’”, што хыбаль лем потверджат думку, же ансамбль є постерiганий iнакше через кождого.